香港新浪網 MySinaBlog 精選話題工具
« 上一篇 | 下一篇 »
esse | 16th Nov 2010, 12:00 AM | 人生轉捩點-鼻咽癌。 | (140 Reads)
今日做磁力共振,以為好簡單,先插針係手種豆,要驟住個頭,塞住對耳,移入去一個沒有空間的太空船內,距離天花只有幾吋位,前後左右動彈不得,還要聽著打裝聲音,歷時要四十分鐘!

醫 療人員只是幫我驟住個頭,我已好驚,跟住俾我試位,移入去太空船時,真係頂不住!好有壓迫感,被困感,頭暈,抖不到氣,醫療人員繼續幫我想辦法,加了一塊 鏡,讓我看到他們,但我都係接受不到,醫院阿姐都來安慰我,叫我當做 facial,但係跟做 facial 完全不同,結果失敗了!

由於下午要做正電子掃描,又係要坐太空船,醫療人員先俾我試坐,感受一下,呢隻船好好多,闊好多,沒有壓迫感!醫療人員再次問我:係未真係得?我話得!

先係手指啪針驗血糖,好似被釘書機釘了一下,很痛。
再要飲一支水!限時十分鐘內!但五分鐘內已趨我快D飲!我飲到想嘔,飲唔晒!
再打葡萄糖,瞓一個鐘,不可郁,不可講野,想東想西,訓左一陣,分散注意,令時間快D過。跟住正式坐太空船,臨尾有D驚,覺得自己好似發脹,又太急,正想求救,醫療人員入來,夠鐘!不過再補多十分鐘!

今日好攰,可能困在醫院太耐,走來走去,又受驚,而且上午八點至到下午五點都無得食,好似無晒力咁!拿拿聲去食野,可惜食唔得多,因為餓到不想食了。

今天總算成功了一部份。